Prigiuneru - Vitalba

... E mio cunfine sò Di petra è di farru intricciati E' da induve stò Un vecu più i verdi prati Ma quandu vene l'ora Di chjode l'ochji è sunnià Pigliu e strade d'oru Quelle accese di libertà Chi ùn ci hè matre da parà U fiume di u sunnià E' ùn ci hè marchjone à sarrà U ventu di u ricurdà U mio sonnu hè di fole Ma i mio ghjorni sò di stizia Chì campu senza sole Prigiuneru di l'inghjustizia Ma quandu vene l'ora Di lascià a mente scappà Mi trovu torna fora Per e machje di libertà Chi ùn ci hè matre da parà U fiume di u sunnià E' ùn ci hè marchjone à sarrà U ventu di u ricurdà Un sò s'è un dumane Torna per mè si pisarà S'è à e mio sulane Puderaghju torna avvintà Ma c'hà da vene l'ora D'apre l'ochji è di fidighjà E billezze di fora A vogliu torna imaginà Chi ùn ci hè matre da parà U fiume di u sunnià E' ùn ci hè marchjone à sarrà U ventu di u ricurdà.

Category